Psa 6 | VulgJ | STEP | in finem in carminibus pro octava psalmus David victori in psalmis super octava canticum David

Psalms 6

1 in finem in carminibus pro octava psalmus David ^va 2 Domine ne in furore tuo arguas me neque in ira tua corripias me ^va 3 miserere mei Domine quoniam infirmus sum sana me Domine quoniam conturbata sunt ossa mea ^va 4 et anima mea turbata est valde et tu Domine usquequo ^va 5 convertere Domine eripe animam meam salvum me fac propter misericordiam tuam ^va 6 quoniam non est in morte qui memor sit tui in inferno autem quis confitebitur tibi ^va 7 laboravi in gemitu meo lavabo per singulas noctes lectum meum in lacrimis meis stratum meum rigabo ^va 8 turbatus est a furore oculus meus inveteravi inter omnes inimicos meos ^va 9 discedite a me omnes qui operamini iniquitatem quoniam exaudivit Dominus vocem fletus mei ^va 10 exaudivit Dominus deprecationem meam Dominus orationem meam suscepit ^va 11 erubescant et conturbentur vehementer omnes inimici mei convertantur et erubescant valde velociter

^va